ଆଉ କେତେ ଲୁଟିବ ଟାଟା ପାୱାର ?
ଅନୁଗୁଳ ( ଜୟ ଓଡିଶା) : - ୨୦୨୦ ମସିହା ଜୁନ ମାସ ଠାରୁ ଓଡ଼ିଶା ସରକାର୍ ଓ ଟାଟା ପାୱାର ମିଳିତ ସହଯୋଗରେ ବିଦ୍ୟୁତ୍ ବିତରଣ ଦାୟିତ୍ବ ତୁଲାଉଥିବା ଟାଟା ପାୱାର ଲୁଟିବାର ଚରମ ସୀମାରେ ପହଞ୍ଚି ଯାଇଥିବା ଅଭିଯୋଗ କରିଛନ୍ତି ଉପଭୋକ୍ତା ମହାସଂଘ । ଟାଟା ପାୱାର ଓଡ଼ିଶାର ଯୁବକ ମାନଙ୍କୁ ଓଡିଶା ସରକାରଙ୍କ ଶ୍ରମ ବିଭାଗ ନିୟମ ଅନୁସାରେ ୮ ଘଣ୍ଟା ର ମଜୁରୀ ପ୍ରଦାନ କରି ୧୪ ରୁ ୧୬ ଘଣ୍ଟା ଖଟିବାକୁ ବାଧ୍ୟ କରୁଛି। ସବୁ ଜାଣି ଶୁଣି ଚୁପ୍ ବସିଛି ଶ୍ରମ ବିଭାଗ । ଓଡିଆ ଶ୍ରମିକ ମାନଙ୍କ ପରେ ଏବେ ଓଡ଼ିଶା ଉପଭୋକ୍ତାଙ୍କ ଉପରେ ଆଖି ପକାଇଛନ୍ତି ଟାଟା ପାୱାର କର୍ତ୍ତୃପକ୍ଷ । ବିଭିନ୍ନ ସମୟରେ ନୂଆଁ ନୂଆଁ ନିୟମ ଆଳରେ ଉପଭୋକ୍ତାଙ୍କୁ ଶୋଷଣ କରି ଚାଲିଛି ଟାଟା ପାୱାର । କେତେବେଳେ ଲୋଡ ବଢ଼େଇବା ନାଁରେ ତ ଆଉ କେତେବେଳେ ଫଲଟି ମିଟର ଆସେସମେଣ୍ଟ ନାଁରେ ନିୟମିତ ଗ୍ରାହକ ମାନଙ୍କର ଆସୁଛି ହଜାର ହଜାର ଟଙ୍କାର ଏରିଅର ବିଲ୍ , ପୁଣି ସ୍ମାର୍ଟ ମିଟର ନାରେ ସ୍ମାର୍ଟ ଠକେଇ ମାଧ୍ୟମରେ ଓଡ଼ିଶାର ବିଦ୍ୟୁତ୍ ଉପଭୋକ୍ତା ଶୋଷଣର ଶିକାର ହେଉଛନ୍ତି । ପୁଣି ଏକ ନୂଆଁ ନିୟମ ଯାହାକୁ ନେଇ ଉପଭୋକ୍ତା ମହଲରେ ତୀବ୍ର ଅସନ୍ତୋଷ ଦେଖା ଦେଇଛି । ଗୋଟିଏ ଉପଭୋକ୍ତାଙ୍କ ସର୍ଭିସ ତାର ( service wire) ଯଦି ଖରାପ ହେଇ ଯାଏ, ତାହେଲେ ଉପଭୋକ୍ତା ନୂଆଁ ତାର କିଣିବା ସହିତ ମରାମତି ବାବଦରେ ୧୧୨୮ ଟଙ୍କା ଦେବାକୁ ପଡିବ, ଯଦି ଉପଭୋକ୍ତାଙ୍କ ମିଟର ଗୋଟିଏ ଜାଗାରୁ ଅନ୍ୟତ୍ର ସ୍ଥାନାନ୍ତର କରିବାକୁ ପଡେ, ତେବେ ଟାଟା ପାୱାର କୁ ୭୯୬ ଟଙ୍କା ଦେବାକୁ ପଡିବ । ଓଡ଼ିଶା ବିଦ୍ୟୁତ୍ ବିତରଣ ଇତିହାସରେ ଯାହା କେବେ ହୋଇ ନଥିଲା ତାହା କରୁଛି ଟାଟା ପାୱାର । ମାସିକ ୨୦ ଟଙ୍କାର ନିର୍ଦ୍ଧାରିତ ଶୁଳ୍କରେ ସେବା ଯୋଗାଇ ଦିଆଯାଉଥିଲା। ଏବେ କିନ୍ତୁ ସେସବୁକୁ ଖାତିର ନକରି ମନ ଇଚ୍ଛା ଉପଭୋକ୍ତା ଙ୍କୁ ଶୋଷଣ କରୁଛି ଟାଟା । ଏଥିରେ ପୂର୍ଣ୍ଣ ସହଯୋଗ କରୁଛନ୍ତି ବିଦ୍ୟୁତ୍ ନିୟାମକ ଆୟୋଗ ବା ( OERC)ଏବଂ ରାଜ୍ୟସରକାର । ତେଣୁ ଏହା ଉପରେ ସରକାର୍ ପୁନର୍ବିଚାର କରିବା ସହିତ ଦୃଢ଼ ପଦକ୍ଷେପ ନେବାକୁ ଦାବି କରିଛି ଉପଭୋକ୍ତା ମହାସଂଘ ।
