ଆର୍ନ୍ତଜାତୀୟ କନ୍ୟା ସନ୍ତାନ ଦିବସ ପାଳିତ
ଗଜପତି( ଜୟ ଓଡିଶା) : - ଗଜପତି ଜିଲ୍ଲା ମୋହନା ବ୍ଲକ ଚନ୍ଦ୍ରଗିରି ବାଳିକା ଉଚ୍ଚ ବିଦ୍ୟାଳୟରେ ଆର୍ନ୍ତଜାତୀୟ ଶିଶୁ କନ୍ୟା ଦିବସ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନ ଶିକ୍ଷକ ଯୁଧିଷ୍ଠିର ନାୟକ ମୁଖ୍ୟଅତିଥି ଭାବେ ଯୋଗଦେଇ ପୁଅ ଓ ଝିଅ ମଧ୍ୟରେ କୌଣସି ଭେଦଭାବ ନରଖି ଶିଶୁ କନ୍ୟାରତ୍ନ ମାନଙ୍କୁ ଉପଯୁକ୍ତ ଯତ୍ନ ନେବା ଉପରେ ଗୁରୁତ୍ୱାରୋପ କରିଥିଲେ। କଥାରେ ଅଛି ଝିଅ ବଞ୍ଚିଲେ ସୃଷ୍ଟି ରହିବ । ଏହାର ତାତ୍ପର୍ଯ୍ୟ ହେଲା - ଝିଅଟି ଜାତ ହେଲା ପରେ... ତାକୁ ଉଚିତ ଶିକ୍ଷା, ସ୍ବାସ୍ଥ୍ୟ, ସମସ୍ତ ସୁବିଧା ସୁଯୋଗ ଓ ଲିଙ୍ଗଗତ ସମାନତା ଦେଲେ.... ସେ ଦେଶ ଗଢିବାରେ ସହାୟକ ହେବ। ଏହି ଉକ୍ତିଟିକୁ ଅବ୍ୟାହତ ରଖିବା ପାଇଁ ପ୍ରଧାନ ଶିକ୍ଷକ ପରାମର୍ଶ ଦେଇଥିଲେ । କନ୍ୟା ଦିବସ ଉପଲକ୍ଷେ ଚନ୍ଦ୍ରଗିରିରେ ଏକ ସଚେତନତା ପଦଯାତ୍ରା ହୋଇଥିଲା । ବିଦ୍ୟାଳୟର ପଠନ ପାଠନ ଗୃହରେ ଶିକ୍ଷକ/ଶିକ୍ଷୟିତ୍ରୀ ଓ ଛାତ୍ରୀ ମାନଙ୍କୁ ନେଇ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା । ଏଥିରେ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ ଯଥା ଛଇଳ ସେଠୀ, ଉପେନ୍ଦ୍ର କୁମାର ମାଳି, ଡି ରିଙ୍କୁ ରାଓ, କାଳିଆ ମହାଙ୍କୁଡ, ବନିତା ବେହେରା, ଶୁଭଶ୍ରୀ ପଣ୍ଡା, ଜୋତ୍ସ୍ନାରାଣୀ ସାହୁ, କମଳୁନୀ ନାୟକ, ସସ୍ମିତା ଦାସ ଇତ୍ଯାଦି ଯୋଗ ଦେଇ କହିଥିଲେ - ମହିଳାମାନେ ଆମ ଦେଶରେ କିଭଳି ଉଚ୍ଚ ଆସନରେ ଅଧିଷ୍ଠିତ ହୋଇ ଆମ ଦେଶ ପାଇଁ ଗର୍ବ ଆଣି ଦେଇଛନ୍ତି । ଏହାକୁ ବିଦ୍ୟାଳୟର ସଂସ୍କୃତ ଶିକ୍ଷକ ଲଳିତ ମୋହନ ମିଶ୍ର ପରିଚାଳନା କରିଥିଲେ ।
