ଇଂଲଣ୍ଡ ବିପକ୍ଷ ଟେଷ୍ଟ ସିରିଜ୍, ଇଣ୍ଡିଆ ଟିମ୍ କୁ ବିଜୟୀ ଟିପ୍ସ ଦେଲେ ବିରାଟ
ନୂଆ ଦିଲ୍ଲୀ( ଏଜେନ୍ସି) : ଇଂଲଣ୍ଡ ବିପକ୍ଷରେ ଟେଷ୍ଟ ସିରିଜ ଆଉ ମାତ୍ର ୩ଦିନ ପରେ ଆରମ୍ଭ ହେବାକୁ ଯାଉଛି । ଏହା ପୂର୍ବରୁ ସମସ୍ତ ଭାରତୀୟ ଖେଳାଳି ହେଡିଙ୍ଗଲି ଟେଷ୍ଟ ମ୍ୟାଚ ପାଇଁ ଜୋରଦାର ଅଭ୍ୟାସ କରୁଛନ୍ତି । ଏହି ସମୟରେ ଏକ ବଡ ଖବର ସାମ୍ନାକୁ ଆସିଛି । କିଙ୍ଗ କୋହଲି ବିରାଟ ଟିମ୍ ଇଣ୍ଡିଆର କିଛି ଖେଳାଳିଙ୍କ ସହ ଏକ ଗୁପ୍ତ ଭେଟଘାଟ କରିଛନ୍ତି । କୋହଲି ଟିମ୍ ଇଣ୍ଡିଆ ଅଧିନାୟକ ଓ ଉପଅଧିନାୟକଙ୍କୁ ତାଙ୍କ ଲଣ୍ଡନ ସ୍ଥିତ ଘରକୁ ନିମନ୍ତ୍ରଣ କରିଥିଲେ । ଏକ ରିପୋର୍ଟ ଅନୁଯାୟୀ ଗତ ମାସରେ ଟେଷ୍ଟ କ୍ରିକେଟରୁ ଅବସର ନେଇଥିବା ବିରାଟ କୋହଲି କିଛି ଭାରତୀୟ ଖେଳାଳିଙ୍କୁ ଳଣ୍ଡନରେ ଭେଟିଛନ୍ତି । ଅଧିନାୟକ ଶୁଭମନ ଗିଲ୍ ଓ ଉପ ଅଧିନାୟକ ରିଷଭ ପନ୍ତ, ଦ୍ରୁତ ବୋଲର ମହମ୍ମଦ ସିରାଜ ଏବଂ କିଛି ଅନ୍ୟ ଖେଳାଳିଙ୍କୁ ନିଜ ଘରକୁ ନିମନ୍ତ୍ରଣ କରିଥିଲେ । ଜଣେ ବ୍ୟାଟ୍ସମ୍ୟାନ ଓ କ୍ୟାପଟେନ ହିସାବରେ ବିରାଟ ଲଣ୍ଡନରେ ଖେଳିବା ବେଳେ ବିଫଳତା ଓ ସଫଳତା ଉଭୟ ଦେଖିଛନ୍ତି । ତେଣୁ ସେ ଭାରତୀୟ ଖେଳାଳିମାନଙ୍କୁ ଉନ୍ନତି ପାଇଁ ଉତ୍ତମ ଟିପ୍ସ ଦେଇପାରିବେ । ଜଣେ ଅଧିନାୟକ ଭାବେ କୋହଲି ଇଂଲଣ୍ଡରେ ରେକର୍ଡ ମଧ୍ୟ କରିଛନ୍ତି । ଏପରି ପରିସ୍ଥିତିରେ ଗିଲ୍ ଏବଂ ପନ୍ତ ଏହି ସାକ୍ଷାତ ସମୟରେ କୋହଲିଙ୍କଠାରୁ ବହୁତ କିଛି ଶିଖିପାରିବେ । ଟିମ୍ ଇଣ୍ଡିଆ ଶେଷ ଥର ପାଇଁ ୨୦୦୭ରେ ଇଂଲଣ୍ଡକୁ ନିଜ ମାଟିରେ ଟେଷ୍ଟ ସିରିଜରେ ପରାସ୍ତ କରିଥିଲା । ସେତେବେଳେ ରାହୁଲ ଦ୍ରାବିଡ ଭାରତୀୟ ଦଳର ଅଧିନାୟକ ଥିଲେ । ଏବେ ଅଧିନାୟକ ଭାବରେ ଶୁଭମନ ଗିଲ୍ ଏହି ୧୮ ବର୍ଷର ଅପେକ୍ଷାକୁ ଶେଷ କରିବାକୁ ଲକ୍ଷ୍ୟ ରଖିଛନ୍ତି ।
