ଏଫ୍ଏମ୍ ବିଶ୍ଵ ବିଦ୍ୟାଳୟ ଅଧ୍ୟାପକଙ୍କ କ୍ୱାର୍ଟର୍ସରେ ପତ୍ନୀଙ୍କୁ ଅସଦାଚରଣ
ରେମୁଣା( ଜୟ ଓଡିଶା) : ଫକୀରମୋହନ ବିଶ୍ବବିଦ୍ୟାଳୟ ଅଧ୍ୟାପକଙ୍କ ନବବିବାହିତା ପତ୍ନୀଙ୍କୁ ଅସଦାଚରଣ ଘଟଣା। ଅଭିଯୋଗ ପରେ ବଢିଲା ବିଶ୍ଵ ବିଦ୍ୟାଳୟର ସୁରକ୍ଷା ବ୍ୟବସ୍ଥା। କାର୍ଯ୍ୟରେ ନିୟୋଜିତ ଥିବା ସୁରକ୍ଷାକର୍ମୀଙ୍କୁ ବହିଷ୍କାର କରିଛନ୍ତି କୁଳପତି। ଏହାସହ ଅଧିକ ୬ ଜଣ ସୁରକ୍ଷାକର୍ମୀଙ୍କୁ ନିଯୁକ୍ତ କରାଯାଇଛି। କେଉଁ ପରିସ୍ଥିତିରେ ଏଭଳି ଘଟଣା ଘଟିଛି, ତାର ତଦନ୍ତ ଜାରି ରହିଛି। ଏଣିକି ବିଶ୍ଵ ବିଦ୍ୟାଳୟ ଭିତରକୁ ଗଲେ ଆଧାରକାର୍ଡ ଦେଖାଇବାକୁ ହେବ। ଗତକାଲି ଦ୍ୱିପ୍ରହରରେ ବଳାତ୍କାର ଉଦ୍ୟମ କରାଯାଇଥିବା ଘଟଣା ସମ୍ପୃକ୍ତ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି। ବିରୋଧ କରିବାରୁ ଦୁର୍ବୃତ୍ତ ମହିଳାଙ୍କୁ ଆକ୍ରମଣ କରିଥିଲେ। ଉଭୟଙ୍କ ମଧ୍ୟରେ ପ୍ରାୟ ୨୦ ମିନିଟ ଧରି ଧସ୍ତାଧସ୍ତି ହୋଇଥିଲା। ସାହସର ସହିତ ମହିଳା ଜଣକ ଦୁର୍ବୃତ୍ତଙ୍କ ସହ ଲଢ଼ି ଆହତ ହୋଇଛନ୍ତି। ବିଶ୍ବବିଦ୍ୟାଳୟ ନୂଆପାଢ଼ୀ କ୍ୟାମ୍ପସରେ ଏଭଳି ଘଟଣା ଘଟିଛି। କୌଶଳକ୍ରମେ ଅଧ୍ୟାପକଙ୍କ ପତ୍ନୀ ନିଜ ଜୀବନ ରକ୍ଷା କରିବାରେ ସକ୍ଷମ ହୋଇଛନ୍ତି। ଅଭିଯୁକ୍ତ ଗତ ଶୁକ୍ରବାର ଅନ୍ୟ ଜଣେ ଅଧ୍ୟାପକଙ୍କ ଅନୁପସ୍ଥିତିରେ ଘରେ ପଶି ପାଣି ମାଗିଥିଲା, ପରେ ଦୁର୍ବ୍ୟବହାର କରିଥିଲା। ଶନିବାର ଘରେ ପଶି ପୁଣି ଜଣେ ଅଧ୍ୟାପକଙ୍କ ପତ୍ନୀଙ୍କୁ ବଳାତ୍କାର ଉଦ୍ୟମ କରିବା ଘଟଣା ବିଶ୍ବବିଦ୍ୟାଳୟ ଢ଼ିଲା ସୁରକ୍ଷା ବ୍ୟବସ୍ଥାକୁ ପଦାରେ ପକାଇଛି। ଏହି ଘଟଣା ପରେ କ୍ୟାମ୍ପସରେ ଆତଙ୍କ ସୃଷ୍ଟି ହୋଇଛି। ଏନେଇ ଅଧ୍ୟାପକଙ୍କ ପତ୍ନୀ ରେମୁଣା ଥାନାରେ ଲିଖିତ ଅଭିଯୋଗ କରିଥିଲେ। ପୁଲିସ ସମ୍ପୃକ୍ତ ଅଭିଯୁକ୍ତକୁ ଗିରଫ କରି ଘଟଣାର ଅଧିକ ତଦନ୍ତ ଜାରି ରଖିଛି। ଗିରଫ ଯୁବକ ନୀଳଗିରି ଥାନା ଅଧୀନ ମର୍ଦ୍ଦରାଜପୁର ଗାଁର ଶଙ୍କର ପାତ୍ର ବୋଲି ଜଣାପଡିଛି। ଅଭିଯୋଗ ପରେ ବିଶ୍ଵ ବିଦ୍ୟାଳୟର ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି।
