କେନାଲ ଭିତରୁ ଅଜଣା ମୃତଦେହ ଉଦ୍ଧାର
ଟିଟିଲାଗଡ଼ (ଜୟ ଓଡିଶା) : ଟିଟିଲାଗଡ଼ ଉପକଣ୍ଠ କୁମୁଡା ପାହାଡ଼ ଶିବ ମନ୍ଦିର ନିକଟରେ ଅଭାବନୀୟ ଘଟଣା ଘଟିଛି। ମନ୍ଦିର ପଛ ପଟେ ଥିବା ଏକ କେନାଲରୁ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି। ମୃତକଙ୍କ ପରିଚୟ ବର୍ତ୍ତମାନ ପର୍ଯ୍ୟନ୍ତ ମିଳିପାରିନାହିଁ। ମୃତକଙ୍କ ବୟସ ୩୦ରୁ ୩୫ ହେବ ବୋଲି ଅନୁମାନ କରାଯାଉଛି। କେନାଲରେ ମାତ୍ର ୪ ଇଞ୍ଚ ପାଣି ଥିବାରୁ ମୃତ୍ୟୁର କାରଣ ଜଣାପଡ଼ିନାହିଁ l ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।
