ପୂର୍ବତନ ସଭାପତିଙ୍କୁ ମରଣାନ୍ତକ ଆକ୍ରମଣ କଣ୍ଟିଆପଶି ଗ୍ରାମବାସୀଙ୍କ ଦ୍ଵାରା ଥାନା ଘେରାଉ
ଅନୁଗୋଳ( ଜୟ ଓଡିଶା) : - ଅନୁଗୋଳ ଜିଲ୍ଲା ପାଲଲହଡ଼ା ବ୍ଲକ୍ ପରାଛଟ ଗ୍ରାମ ପଞ୍ଚାୟତ ଅନ୍ତର୍ଗତ କଣ୍ଟିଆପଶୀ ଗ୍ରାମର ପୂର୍ବତନ ଗ୍ରାମ ସଭାପତି ଶ୍ରୀ ସନ୍ତୋଷ କୁମାର ସାହୁଙ୍କୁ ମରଣାନ୍ତକ ଆକ୍ରମଣ କରାଯାଇଛି । ଶ୍ରୀ ସାହୁ ଘରକୁ ପ୍ରବେଶ କରୁଥିବା ବେଳେ ସେହି ଗ୍ରାମର ଅନ୍ତର୍ଯ୍ୟାମୀ ସାହୁଙ୍କ ଦୁଇ ପୁଅ ବିକି ସାହୁ ଏବଂ ରିକି ସାହୁ କିଛି ଭଡ଼ାଟିଆ ଗୁଣ୍ଡା ଙ୍କ ସହାୟତା ରେ ଆକ୍ରମଣ କରିଥିଲେ । ଆକ୍ରମଣ ଫଳରେ ସନ୍ତୋଷଙ୍କ ବାମ କାନ୍ଧରେ ଗଭୀର ଆଘାତ ଲାଗିଛି, ସେ ବର୍ତ୍ତମାନ ଖମାର ଗୋଷ୍ଠି ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସିତ ହେଉଛନ୍ତି ଏବଂ ସ୍ୱାସ୍ଥ୍ୟବସ୍ଥା ସ୍ଥିର ରହିଥିବା ଜଣାପଡିଛି । ରିକି ଏବଂ ବିକି ଦୁଇଜଣ ଅନେକ ସମୟରେ ଗ୍ରାମବାସୀ ଙ୍କ ସହିତ ଝଗଡା, ମାଡପିଟ, ଗଣ୍ଡଗୋଳ କରୁଥିବା ଅଭିଯୋଗ କରିଛନ୍ତି ଗ୍ରାମବାସୀ । ସୁଚନା ଥାଉକି ଶ୍ରୀ ଅନ୍ତର୍ଯ୍ୟାମୀ ବିଶ୍ଵାଳ ଙ୍କ ଘର ଢେଙ୍କାନାଳ ଜିଲ୍ଲା ଗଡପଳାସୁଣି ( ବଡ଼ସାହି) ହୋଇଥିବା ବେଳେ ଦୀର୍ଘଦିନ ଧରି କନ୍ତିଆପଶୀ ତାଙ୍କ ମାମୁଁଙ୍କ ପାଖରେ ରହି ଆସୁଛନ୍ତି । ତେବେ ତାଙ୍କ ପରିବାରକୁ କାନ୍ତିଆପଶୀର ସ୍ଥାୟୀ ବାସିନ୍ଦା ପାଈଁ ପୂର୍ବତନ ସଭାପତିଙ୍କୁ ଜଣାଇଥିଲେ, ତେବେ ଏହି ଦୁଇ ଭାଇଙ୍କ ଆଚରଣକୁ ଦେଖି ଗ୍ରାମବାସୀ ସଦସ୍ୟତା ଦେବାକୁ ମନାକରିଥିଲେ । ଫଳରେ ଦୁଇ ଭାଈ ରିକି ସାହୁ ଓ ବିକି ସାହୁ କିଛି ଅସାମାଜିକ ଯୁବକଙ୍କ ସହାୟତାରେ ଶ୍ରୀ ସାହୁଙ୍କୁ ମରଣାନ୍ତକ ଆକ୍ରମଣ କରିଥିଲେ । ୩୦ ତାରିଖ ସଂଧ୍ୟା ସମୟରେ ହୋଇଥିବା ଆକ୍ରମଣ ୧୨ ଘଣ୍ଟା ବିତିଯାଇଥିଲେ ମଧ୍ୟ ପୋଲିସ୍ ଦୁଇ ଆସାମୀ ଙ୍କୁ ଗିରଫ କରିପାରିନଥିଲେ । ଫଳରେ କଣ୍ଟିଆପସି ଗ୍ରାମର ଶତାଧିକ ପୁରୁଷ ଓ ମହିଳା ଦୁଇ ଭାଇଙ୍କ ସମେତ ଅନ୍ୟ ସହଯୋଗୀ ମାନଙ୍କୁ ତୁରନ୍ତ ଗିରଫ ଦାବିରେ ଥାନା ଘେରାଉ କରିଥିଲେ । ଏନେଇ ଖମାର ଥାନା ଅଧିକାରୀ ଶ୍ରୀ ଅରୁଣ କୁମାର ପଣ୍ଡା କହିଛନ୍ତି କି ଲିଖିତ ଅଭିଯୋଗ ତାଙ୍କର ହସ୍ତଗତ ହୋଇଛି, ସେ ସମ୍ପୂର୍ଣ ଘଟଣା ବିଷୟରେ ଅବଗତ ଅଛନ୍ତି, ଖୁବ୍ ଶିଘ୍ର ଆଇନ ଅନୁଯାୟୀ ଦୃଢ଼ କାର୍ଯ୍ୟନୁଷ୍ଠାନ ଗ୍ରହଣ କରାଯିବ ।
