ମା ପାଇଁ ଗଛଟିଏ ” କାର୍ଯ୍ୟକ୍ରମ ଅନୁଷ୍ଠିତ
ପାଲ ଲହଡ଼ା( ଜୟ ଓଡିଶା) : - ଭାରତର ଯଶସ୍ଵୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନରେ ଭାରତୀୟ ଜନତା ପାର୍ଟି ପକ୍ଷରୁ " ମା ପାଇଁ ଗଛଟିଏ " କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି | ପାଲ ଲହଡ଼ା ବିଧାୟକ ଶ୍ରୀ ଅଶୋକ ମହାନ୍ତିଙ୍କ ନେତୃତ୍ୱରେ ପାଲଲହଡା ନିର୍ବାଚନ ମଣ୍ଡଳୀର ବିଭିନ୍ନ ପଞ୍ଚାୟତ , ମନ୍ଦିର, ପଡ଼ିଆ, ମେଡ଼ିକାଲ ଏବଂ ଖାଲି ପଡ଼ିଥିବା ଜାଗାରେ ବୃକ୍ଷ ରୋପଣ କରାଯାଇଛି | ଭାରତୀୟ ଜନତା ପାର୍ଟି ଖମାର ମଣ୍ଡଳ ପକ୍ଷରୁ ଶଂଖମୁର , ବଡ଼ସଡ଼ା, କୁଞ୍ଚାମ, ଆଲୋରି, ମୁଣ୍ଡୁରିବେଡ଼ା , ରଜଡ଼ଙ୍ଗ, ଖମାର, ରୋହିଲା, ଇଂଜିଡି, ଇତ୍ୟାଦି ବିଭିନ୍ନ ପଞ୍ଚାୟତରେ ବ୍ୟାପକ ପରିମାଣର ବୃକ୍ଷ ରୋପଣ କରାଯାଇଥିଲା | ବିଧାୟକ ଅଶୋକ ମହାନ୍ତିଙ୍କ ସମେତ ଉପଜିଲ୍ଲାପାଳ , ବିଡ଼ିଓ, ତହସିଲଦାର, ଏବଂ ରେଞ୍ଚ ଅଫିସର,ବନବିଭାଗ କର୍ମଚାରୀ ଙ୍କ ସମେତ ଭାରତୀୟ ଜନତା ପାର୍ଟିର ବହୁ ବରିଷ୍ଠ କାର୍ଯକର୍ତ୍ତା ଉକ୍ତ କାର୍ଯ୍ୟକ୍ରମରେ ଯୋଗଦେଇଥିଲେ | ପରେ ପରେ ବିଧାୟକ ଶ୍ରୀ ମହାନ୍ତି ପ୍ରଧାନ ମନ୍ତ୍ରୀ ଙ୍କ ଜନ୍ମଦିନ ଅବସରରେ ଡାକ୍ତରଖାନା ପରିଦର୍ଶନ ରେ ଆସି ରୋଗୀ ମାନଙ୍କୁ ଫଳ ଓ ଖିର ବଣ୍ଟନ କରିଥିଲେ | ବିଧାୟକଙ୍କ ଆହ୍ୱାନ କ୍ରମେ ଏହି କାର୍ଯ୍ୟକ୍ରମକୁ ଆହୁରି ବ୍ୟାପକ କରିବାପାଇଁ ଜନସାଧାରଣଙ୍କୁ ନିବେଦନ କରିଥିଲେ | ନିଜ ମାଙ୍କ ନାମରେ ଗୋଟିଏ ଗଛ ଲଗାଇ ପରିବେଶ ସନ୍ତୁଳନ ରକ୍ଷା ପାଇଁ ଆହ୍ବାନ ଦେଇଥିଲେ |
