ସାର ସ୍ଥିତିର ଅନୁଧ୍ୟାନ କଲେ ବିଧାୟକ
ଗଜପତି(ଜୟ ଓଡିଶା) : - ପାରଳାଖେମୁଣ୍ଡି ବିଧାୟକ ଇଂ ରୂପେଶ ପାଣିଗ୍ରାହୀ ଜିଲ୍ଲାରେ ଲାଗି ରହିଥିବା ସାର ସମସ୍ଯା ସମ୍ପର୍କରେ ଜାଣିବା ପରେ ବିଭାଗୀୟ ଅଧିକାରୀ ଓ ଚାଷୀଙ୍କ ସହ ଆଲୋଚନା କରିଥିଲେ।ପରେ କଳା ବଜାରୀ ରୋକିବା ଏବଂଚାଷୀଙ୍କୁ ଆବଶ୍ୟକ ସାର ଯୋଗାଇଦେବା ପାଇଁ ଦାବି ରଖିଥିଲେ।ସେହି କ୍ରମରେ ଗୋସାଣି ବ୍ଲକର ବାଘଶାଳା,ପାଟିକଟା, ପଞ୍ଚାୟତ ଅଞ୍ଚଳର ସୋସାଇଟି ଗସ୍ତ କରି ସ୍ଥିତିର ଅନୁଧ୍ୟାନ କରିଛନ୍ତି । ସରକାରଙ୍କ ପକ୍ଷରୁ ଯୋଗାଇ ଦିଆଯାଇଥିବା ସାର ଓ ଚାଷୀଙ୍କ ପାଖରେ ପହଞ୍ଚିଥିବା ସାରର ପରିମାଣ କୁ ଅନୁଧ୍ୟାନ କରିଛନ୍ତି ।ତେବେ ଅବଶ୍ୟକ ପରିମାଣର ସମ୍ପୃଣ୍ଣ ସାର ଚାଷୀ ପାଇନଥିଲେ ମଧ୍ୟ କିଛି ସାର ଦିଆଯାଇଛି। ଆଗାମୀ ସମୟରେ ଧୀରେ ଧୀରେ ସାର ପହଞ୍ଚିବ ବୋଲି ବିଭାଗ ପକ୍ଷରୁ ପ୍ରତିଶୃତି ଦିଆଯାଇଛି , ପ୍ରତିଶୃତି ପ୍ରକାରେ ଆଗକୁ ସାର ଯୋଗାଇ ଦେଲେ ସାର ଅଭାବ ଦୂର ହେବ ବୋଲି କହିଛନ୍ତି ବିଧାୟକ ।
