୬୯ତମ ଦଶହରା ମହୋତ୍ସବ ଉଦଯାପିତ
ପାଲଲହଡ଼ା( ଜୟ ଓଡିଶା): ବର୍ଷେ , ଦୁଇ ବର୍ଷ କି ପାଞ୍ଚବର୍ଷର ପରମ୍ପରା ନୁହେଁ | ଦୀର୍ଘ ୬ ଦଶଦ୍ଧି ଧରି ପାଳିତ ହୋଇଆସୁଥିବା ପ୍ରଥା ଓ ପରମ୍ପରାର ଉତ୍ସବ ହେଉଛି ଦଶହରା ମହୋତ୍ସବ | ଅନୁଗୋଳ ଜିଲ୍ଲା ପାଲ ଲହଡ଼ା ବ୍ଳକ ଖମାର.ପଞ୍ଚାୟତ ଅନ୍ତର୍ଗତ ଐତିହ୍ୟ ସମନ୍ନ ଗାଁ ଓଡ଼ଶ ରେ ଦୀର୍ଘ ୬୯ ବର୍ଷହେବ ନିରବଛିନ୍ନ ଭାବେ ପାଳିତ ହୋଇ ଆସୁଛି ଦଶହରା ମହୋତ୍ସବ ଓ ଦଶମ ଶାରଦୀୟ ଦୁର୍ଗା ପୂଜା | ୧୯୫୬ ମସିହାରୁ ଆରମ୍ଭ ହୋଇଥିବା ଏହି ମହୋତ୍ସବ ଆଜି ୬୯ ବର୍ଷରେ ପହଞ୍ଚି ପାରିଛି , ଶାରଦୀୟ ଦୁର୍ଗା ପୂଜା ର ଦଶମ ସଂଧ୍ୟା ରେ ଓଡିଶା ସରକାରଙ୍କ ହସ୍ତତନ୍ତ ଓ ବୟନଶିଳ୍ପ ତଥା ସମବାୟ ମନ୍ତ୍ରୀ ପ୍ରଦୀପ ବଳସାମନ୍ତ , ପାଲଲହଡ଼ା ବିଧାୟକ ଅଶୋକ ମହାନ୍ତି , ଢେଙ୍କାନାଳ ସାଂସଦ ରୁଦ୍ର ନାରାୟଣ ପାଣି , ପାଲଲହଡ଼ା ଉପ ଜିଲ୍ଲାପାଳ ରବିନ୍ଦ୍ରକୁମାର ପଟେଲ , ଖମାର ସରପଞ୍ଚ ଚକାଡୋଳା ନାଏକ ପ୍ରମୁଖ ଯୋଗ ଦେଇଥିଲେ | ନବମୀ ସଂଧ୍ୟା ରେ ତାଳଚେରବିଜେଡି ବିଧାୟକ ଶ୍ରୀ ବ୍ରଜ କିଶୋର ପ୍ରଧାନ , ପାଳଲହଡ଼ା ର ପୂର୍ବତନ ବିଧାୟକ ମୁକେଶ ପାଳ , କଣିହା ବ୍ଲକ ଅଧ୍ୟକ୍ଷ ରାମକୃଷ୍ଣ ପ୍ରଧାନ , ପାଳଲହଡା ବ୍ଲକ୍ ଅଧ୍ଯକ୍ଷା ରିନାରାଣୀନାଏକ ପ୍ରମୁଖ ଯୋଗ ଦେଇଥିଲେ | ଏହି ଦଶହରା ମହୋତ୍ସବରେ ବିଭିନ୍ନ ପ୍ରକାରର ଖେଳ , ପାରମ୍ପରିକ ନୃତ୍ୟଗୀତ ର ତାଳେ ତାଳେ ଝୁମିଥିଲେ ହଜାର ହଜାର ଦର୍ଶକ | ପାରମ୍ପାରିକ ଖେଳ ମଧ୍ୟରେ ପୋଖରିପହଁରା , ତାସଖେଳ , ଲମ୍ବଡିଆଁ , ଉଚ଼ଡ଼ିଆଁ , କବାଡି, ପୁଚିଖେଳ , ସ୍ଲୋ ସାଇକେଲରେସ୍ , ଦ୍ରୁତ ସାଇକେଲରେସ , ପଛପୁଞ୍ଚା ଦୌଡ଼ , ତିନିଗୋଡିଆ ଦୌଡ଼ , ବସ୍ତା ଦୌଡ଼ , ଶ୍ରୀମତୀ କମ୍ ନୁହଁନ୍ତି,ମ୍ୟୁଜିକ୍ ଚେୟାର , ଭଳି ବିଭିନ୍ନ ପ୍ରକାର ସାମିଲ କରାଯାଇ ଥିଲା | କୃତୀ ପ୍ରତିଯୋଗୀ ମାନଙ୍କୁ ଉତ୍ତରୀୟ ଓ ମାନପତ୍ର ପ୍ରଦାନ ସହିତ ସ୍ଥାନୀୟ ଅଞ୍ଚଳର ବିଭିନ୍ନ କ୍ଷେତ୍ରରେ ପାରଦର୍ଶିତା ଅର୍ଜନ କରିଥିବା ସମାଜସେବୀ, ଯୁବଉଦ୍ୟୋଗି , ସାମ୍ବାଦିକ , ଆଇନଜିବି , ଶିକ୍ଷାବିତ,କ୍ରିଡ଼ା ବିତ ଏବଂ ସଂସ୍କୃତି ରକ୍ଷକ ମାନଙ୍କୁ ପୁଷ୍ପଗୁଛ , ଉତ୍ତରିୟ ଓ ମାନପତ୍ର ପ୍ରଦାନ କରି ସମ୍ମାନିତ କରାଯାଇଥିଲା | ଷଷ୍ଠି ତିଥି ଠାରୁ ଆରମ୍ଭ କରି ଦଶମି ପର୍ଯ୍ୟନ୍ତ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଯଥା , ଦୃଷ୍ଟି ବାଧିତ ଭଜନ ସଂଧ୍ୟା, ମେଲୋଡି , ଆଞ୍ଚଳିକ ନୃତ୍ୟ ପ୍ରତିଯୋଗିତା ଓ ଅପେରା ଭଳି ମନୋରଞ୍ଜନ କାର୍ଯ୍ୟକ୍ରମ ଦର୍ଶକ ମାନଙ୍କୁ ଭରପୁର ମନୋରଞ୍ଜନ ଯୋଗାଇଥିଲା | ଓଡଶ ଗ୍ରାମ ସଭାପତି ଦୁଃଖବଂଧୁ ପ୍ରଧାନଙ୍କ ତତ୍ବାବଧାନରେ ସଂପାଦକ ନିତ୍ୟାନନ ପ୍ରଧାନ ବିବରଣୀ ପାଠ ଜରିଆରେ ଦୀର୍ଘ ୬୯ ବର୍ଷର ସଂଘର୍ଷ କଥା ଉପସ୍ଥିତ ଦର୍ଶକ ମାନଙ୍କୁ ସ୍ତବ୍ଧ କରିଦେଇଥିଲା | ବରିଷ୍ଠ ଶିକ୍ଷକ ମଦନ ମୋହନ ପ୍ରଧାନ ଓ ଦୁଷ୍ମନ୍ତ କୁମାର ପ୍ରଧାନ ମଞ୍ଚ ପରିଚାଳନା କରିଥିବା ବେଳେ ଓଡଶ ତରୁଣ ସଂଘର ପ୍ରାୟ ୧୦୦ ରୁ ଉର୍ଦ୍ଦ ସ୍ଵେଛାସେବି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ | ଆସନ୍ତା ବର୍ଷ " ସୃତି ତୁମେ ୭୦" ଭଳି ଏକ ଅନନ୍ୟ ଆୟୋଜନ ପାଇଁ ଓଡ଼ଶ ଗ୍ରାମ୍ୟ କମିଟି , ଓଡଶ ତରୁଣ କ୍ରିଡ଼ା ପରିଷଦ ଓ ଓଡ଼ଶ ତରୁଣ ସଂଘ ମିଳିତ ଭାବେ ସମ୍ପାଦନ କରିବା ପାଇଁ ଖସଡ଼ା ପ୍ରସ୍ତୁତ କରାଯାଇଥିବା ପ୍ରକାଶ କରିଛନ୍ତି ଓଡ଼ଶ ଗ୍ରାମବାସୀ |
