ଖରାଦିନେ ସୂର୍ଯ୍ୟ କିରଣ ପାଇଁ ଚେହେରାରେ ସନ୍ ଟ୍ୟାନ, ପ୍ୟାଚେସ ହୋଇ ଅତ୍ୟନ୍ତ ଖରାପ ଦେଖା ଯାଇଥାଏ। ତେବେ ସବୁ ସପ୍ତାହରେ ପାର୍ଲର ଯାଇ ଫେଶିଆଲ କରିବା ସମ୍ଭବ ହୋଇନଥାଏ ହେଲେ ଆମେ ଆପଣଙ୍କୁ କିଛିଟା ସହଜ ଉପାୟ ବିଷୟରେ କହିବୁ ଯାହାକୁ ପ୍ରୟୋଗ କରି ଆପଣ ଖରାଦିନେ ସୁନ୍ଦର ଚମ୍ ଚମାତି ତ୍ବଚା ପାଇ ପାରିବେ। ଏଥି ପାଇଁ ଆପଣଙ୍କୁ ଅଧିକ ଟଙ୍କା ମଧ୍ୟ ଖର୍ଚ୍ଚ କରିବାକୁ ପଡ଼ିବ ନାହିଁ। ତେବେ ଚାଲନ୍ତୁ ଜାଣିବା ସେ ବିଷୟରେ କିଛି…
-ପିଆଜ ରସ ସହ ଭିଟାମିନ-ଇ ମିଶାଇ ଏହାକୁ ରାତିରେ ଓଠରେ ଲଗାଇଲେ, ଓଠର କଳାପଣ ଦୂର ହୋଇଥାଏ।
– ଏହାସହ ପିଆଜ ରସକୁ ମୁହଁରେ ଲଗାଇଲେ ମୁହଁରେ ଥିବା କଳାଦାଗ ଦୂର ହୋଇଥାଏ। ୧ ଚାମଚ ପିଆଜ ରସରେ ଚାମଚିଏ ବେସନ ଅଳ୍ପ କ୍ଷୀର ମିଶାଇ ଏକ ମିଶ୍ରଣ ପ୍ରସ୍ତୁତ କରନ୍ତୁ। ସେହି ମିଶ୍ରଣକୁ ମୁହଁରେ ପ୍ୟାକ ଭଳି ଲଗାନ୍ତୁ। ଏହାକୁ ମୁହଁରେ ଲଗାଇବାର ୧୦ ରୁ ୧୫ ମିନିଟ ପରେ ଥଣ୍ଡା ପାଣିରେ ଧୋଇ ଦିଅନ୍ତୁ। ଏପରି ସପ୍ତାହକୁ ୩ରୁ ୪ ଥର କରିବା ଦ୍ୱାରା ମୁହଁ ଗୋରା ଓ ଉଜ୍ୱଳ ହୋଇଥାଏ।
– ଯଦି ଆପଣଙ୍କ ତ୍ୱଚାର ଦାଗ ରହିଛି ତେବେ ନିୟମିତ ଭାବେ ପିଆଜର ଚୋପାକୁ ବ୍ୟବହାର କରି ପେଷ୍ଟ ପ୍ରସ୍ତୁତ କରନ୍ତୁ। ସେଥିରେ ମହୁ ଓ ହଳଦୀ ମିଶାଇ ମୁହଁରେ ଲଗାନ୍ତୁ। ଏହାକୁ ମୁହଁରେ ଲଗାଇ ୧୫ ମିନିଟ ରଖି ଧୋଇ ଦିଅନ୍ତୁ। ଏହା ଦ୍ୱାରା ମୁହଁର ସମସ୍ତ ଦାଗ ଦୂର ହୋଇଥାଏ।
-ପିଆଜରେ ଭିଟାମିନ ଏ, ସି, ଇ ଥିବାରୁ ସୂର୍ୟ୍ୟଙ୍କ ଠାରୁ ଆସୁଥିବା ଅତି ବାଇଗଣୀ ରଶ୍ମିକୁ ପ୍ରତିହତ କରିବା ସହ ଚର୍ମକୁ ବାହ୍ୟ ସଂକ୍ରମଣରୁ ରକ୍ଷା କରିବା ସହ ଉଜ୍ୱଳ କରିଥାଏ।
– ଏହା ବ୍ୟତୀତ ଅଳ୍ପ ନଡିଆ ତେଲରେ ଚାମଚିଏ ପିଆଜ ରସ ଓ ଦୁଇ ତିନି ଟୋପା ଲେମ୍ବୁ ରସ ମିଶାଇ ତ୍ଵଚାରେ ଲଗେଇବା ଦ୍ଵାରା ସନ୍ ଟ୍ୟାନ ଦୂର ହେବା ସହ ତ୍ଵଚା ହାଇଡ୍ରେଡ ହୋଇଥାଏ।
– ସେହିଭଳି ଯଦି ତ୍ୱଚାରେ ପ୍ୟଚେସ ପଡ଼ିଛି ତେବେ ଅଳ୍ପ ଚାଉଳ ଗୁଣ୍ଡରେ ପିଆଜ ରସ, ଟମାଟୋ ରସ, ଭିଟାମିନ – ଇ ଓ ମହୁ ମିଶାଇ ସ୍କ୍ରବ, ପ୍ୟାକ୍ ଭାବେ ବ୍ୟବହାର କରନ୍ତୁ ଲାଭ ମିଳିବ। ତେବେ ଏହି ସବୁ ଉପାୟ କରିବା ପୂର୍ବରୁ ଆପଣଙ୍କ ତ୍ଵଚାକୁ ସୁହାଉଛି କି ନାହିଁ ପ୍ରଥମେ ପରୀକ୍ଷା କରି ଦେଖନ୍ତୁ।
