ବାହା ହେବେ ପ୍ରଭାସ, ଫିଲ୍ମ ନୁହଁ ଏବେ ଜୀବନ ସାଥି ଖୋଜିବାରେ ବ୍ୟସ୍ତ ବାହୁବଳୀ। ଦେବସେନା ଚୟନ ପାଇଁ ସରିଛି ପ୍ରକ୍ରିୟା ଆଉ ଖାଲି ହାତଗଣ୍ଠି ବାକି! ହଁ ଆଜ୍ଞା ଏବେ ବାହୁବଳୀ ଫେମ୍ ସୁପରଷ୍ଟାର ପ୍ରଭାସଙ୍କ ବାହାଘର ଚର୍ଚ୍ଚା ଜୋର ଧରିଛି।୪୫ ବର୍ଷରେ ବାହା ହେବେ ହ୍ୟାଣ୍ଡସମ୍ ହଂକ୍ ପ୍ରଭାସ।କୁହାଯାଉଛି ଖୁବଶୀଘ୍ର ସେ ଖୁବଶୀଘ୍ର ବର ସାଜିବେ। ସୋସିଆଲ ମିଡିଆରେ ଭାଇରାଲ ହେଉଛି ସାଉଥ ସୁପରଷ୍ଟାର ପ୍ରଭାସଙ୍କ ବାହାଘର ଖବର। ଲୁଚାଛପାରେ ତାଙ୍କ ବାହାଘର ପ୍ରସ୍ତୁତି ଚାଲିଥିବା କଥା ଚର୍ଚ୍ଚା ହେଉଛି। ପ୍ରଭାସ ବାହୁବଳୀ ହିରୋଇନ୍ ଅନୁଷ୍କା ସେଠୀଙ୍କୁ ବିବାହ କରିବେ ବୋଲି କୁହାଯାଉଛି। କେହି କେହି ସେ ଅଜଣା ଯୁବତୀଙ୍କ ହାତ ଧରିବା କଥା କହୁଛନ୍ତି। ତେବେ ଅନୁଷ୍କା ଆଉ କ୍ରିତି ସାନନଙ୍କ ସହ ତାଙ୍କ ନାଁ ଅନେକ ଥର ଯୋଡ଼ି ହୋଇଛି। କ୍ରିତି ଏହାକୁ କାରଜ କରିଥିଲେ ମଧ୍ୟ ଅନୁଷ୍କା କୌଣସି ସ୍ପଷ୍ଟୀକରଣ ନଦେବା ପ୍ରଭାସଙ୍କ ସହ ତାଙ୍କ ସମ୍ପର୍କ ନେଇ ଅଧିକ ଚର୍ଚ୍ଚା ବଢେଇଛି। ଏପରିକି ପ୍ରଭାସଙ୍କ ବର ବେଶର ଏକ ଫଟୋ ମଧ୍ୟ ଭାଇରାଲ ହେବାରେ ଲାଗିଛି। ପୂର୍ବରୁ ମଧ୍ୟ ଏଭଳି ଅନେକ ଥର ପ୍ରଭାସଙ୍କ ବିବାହକୁ ନେଇ ଚର୍ଚ୍ଚା ହୋଇଛି । କିନ୍ତୁ ପ୍ରଭାସ ଏହି ବିବାହ ଗୁଜବକୁ ଏଡ଼ାଇ ଚାଲିଛନ୍ତି । ସେପଟେ ପ୍ରଭାସଙ୍କୁ ବର ବେଶରେ ଦେଖିବା ପାଇଁ ଅପେକ୍ଷା କରି ରହିଛନ୍ତି ଫ୍ୟାନ୍ସ । ତେବେ ଦେଖାଯାଉ ପ୍ରଭାସ ସତରେ ଏଥର ବାହା ହେଉଛନ୍ତି କି ନାହିଁ।

