ଡ୍ରୋନ୍ ଓ ବନ୍ୟପ୍ରାଣୀ ଅପରାଧ ପରିଚାଳନା କର୍ମଶାଳା ଅନୁଷ୍ଠିତ
ଗଜପତି( ଜୟ ଓଡିଶା) - ଗଜପତି ଜିଲ୍ଲାରେ ବନବିଭାଗ ପକ୍ଷରୁ ଡ୍ରୋନ୍ ଓ ବଣ୍ୟପ୍ରାଣୀ ଅପରାଧ ପରିଚାଳନା ସମ୍ପର୍କିତ ପୃଥକ କର୍ମଶାଳା ଅନୁଷ୍ଠିତ ହୋଇଯାଇଛି।ପାରଳାଖେମୁଣ୍ଡି ବନ ବିଭାଗ, ବନୀକରଣ ପ୍ରୟୋଗ ପାଇଁ ଡ୍ରୋନ୍ ପରିଚାଳନା ଉପରେ ଏକ ଡିଭିଜନାଲ ସ୍ତରୀୟ କ୍ଷମତା ନିର୍ମାଣ ତାଲିମ କାର୍ଯ୍ୟକ୍ରମ ଆୟୋଜନ କରାଯାଇଥିଲା I ଡିଏଫ୍ଓ କେ.ନାଗାରାଜୁ,ସେଞ୍ଚୁରିଆନ୍ ବିଶ୍ବବିଦ୍ୟାଳୟର ତିନି ଜଣ ସ୍ବୀକୃତିପ୍ରାପ୍ତ ପ୍ରଶିକ୍ଷକ ଏବଂ ଆର୍ସିସିଏଫ୍ ଯୋଗ ଦେଇଥିଲେ | ଉକ୍ତ ଡିଭିଜନର କର୍ମଚାରୀ ଭର୍ଚୁଆଲ ମାଧ୍ଯମରେ ଯୋଗ ଦେଇଥିଲେ ଡ୍ରୋନ୍ ବ୍ୟବହାର ପ୍ରଣାଳୀ, ପ୍ରଯୋଗ ନିୟମ ୨୦୨୧ ସହ ବନାଞ୍ଚଳରେ ବୃକ୍ଷ ଓ ଜୀବଜନ୍ତୁଙ୍କ ସୁରକ୍ଷାରେ ଭୂମିକା ଏବଂ ବ୍ୟବହାର ସମ୍ବନ୍ଧିତ ତତ୍ତ୍ବ ଉପରେ ପ୍ରଶିକ୍ଷଣ ଦିଆଯାଇଥିଲା | ସେଞ୍ଚୁରିଆନ୍ ବିଶ୍ଵବିଦ୍ୟାଳୟ ପରିସରରେ ବିଶେଷଜ୍ଞଙ୍କ ଉପସ୍ଥିତିରେ ପ୍ରଶିକ୍ଷଣ ନେଇଥିବା କର୍ମଚାରୀ ଡ୍ରୋନ୍ର ବ୍ୟବହାର କରି ଦେଖାଇଥିଲେ I ଉକ୍ତ ଜ୍ଞାନ କୌଶଳ କାର୍ଯ୍ୟ ସମ୍ପାଦନ ସମୟରେ ସହାୟକ ହେବ ବୋଲି ପ୍ରଶିକ୍ଷଣ ନେଇଥିବା କର୍ମଚାରୀ ମତ ପୋଷଣ କରିଥିଲେ I ସେହିପରି ବନ୍ୟପ୍ରାଣୀ ଅପରାଧ ପରିଚାଳନା ସମ୍ପର୍କରେ ଏକ କର୍ମଶାଳା ଆୟୋଜିତ ହୋଇଥିଲା I ଉକ୍ତ କର୍ମଶାଳାରେ ଡିଏଫ୍ଓ କେ ନାଗାରାକୁ ଅଧ୍ୟକ୍ଷତା କରିଥିବା ବେଳେ ଏସିଏଫ୍ ଅରୁଣ କୁମାର ସାହୁ ଉପସ୍ଥିତ ଥିଲେ । କିପରି ବନ୍ୟପ୍ରାଣୀଙ୍କୁ ଶିକାରୀଙ୍କ କବଳରୁ ରକ୍ଷା କରାଯାଇପାରିବ ଏବଂ ଶିକାର କଲେ ଆଇନରେ କି ପ୍ରାବଧାନ ରହିଛି ତା ଉପରେ ବିସ୍ତ୍ରୁତ ସୂଚନା ଉପସ୍ଥିତ କର୍ମଚାରୀଙ୍କୁ ପ୍ରଦାନ କରାଯାଇଥିଲା। ଏହି ଅବସରରେ ଭାରତରେ ବନ୍ୟପ୍ରାଣୀ ଅପରାଧ ଉପରେ ନଜର ରଖିବା ଏବଂ ମୁକାବିଲା ପାଇଁ ବନ ବିଭାଗ ଦ୍ବାରା ବ୍ୟବହୃତ ଏକ ସ୍ବତନ୍ତ୍ର ସଫ୍ଟୱେୟରରେ ପ୍ଲାଟଫର୍ମର ସମ୍ପୂର୍ଣ ବ୍ୟବହାର ଓ ପ୍ରଯୋଗବିଷୟରେ ପ୍ରଶିକ୍ଷଣ ଦିଆଯାଇଥିଲା।
