ପୋଲିସ୍ କର୍ମଚାରୀଙ୍କ ଦ୍ଵାରା ସଫେଇ କାର୍ଯକ୍ରମ ଅନୁଷ୍ଠିତ
ଅନୁଗୋଳ( ଜୟ ଓଡିଶା) : - ଅନୁଗୋଳ ଜିଲ୍ଲା ପାଲଲହଡ଼ା ବ୍ଲକ୍ ଖମାର ଥାନାରେ ସଫେଇ କାର୍ଯକ୍ରମ ଅନୁଷ୍ଠିତ ହୋଇ ଯାଇଅଛି । ଖମାର ଥାନା ଭାରପ୍ରାପ୍ତ ଥାନା ଅଧିକାରୀ ଶ୍ରୀ ଅରୁଣ କୁମାର ପଣ୍ଡାଙ୍କ ନେତୃତ୍ବରେ ଆଜି ଥାନା ପରିସର ସଫା କରିବା ସହିତ ଥାନାର ପରିବେଶକୁ ଏକ ନୂତନ ରୂପରେଖ ଦେବାକୁ ଚେଷ୍ଟା କରାଯାଇଛି । ଖମାର ଥାନା ଅଧୀନରେ ଥିବା ସମସ୍ତ କର୍ମଚାରୀ ଯଥା, ଗ୍ରାମରଖି, ହୋମ ଗାର୍ଡ, କନେଷ୍ଟବଳ, ଏ ଏସ ଆଇ, ଏବଂ ନିଜେ ଥାନା ଅଧିକାରୀ ଏହି କାର୍ଯକ୍ରମରେ ଭାଗ ନେଇଥିଲେ । ଥାନା ପରିବେଶକୁ ଅଧିକ ସୁନ୍ଦର ତଥା ଲୋକାଭିମୁଖୀ କରିବା ପାଇଁ ଏହିଭଳି କାର୍ଯକ୍ରମ ଜାରି ରହିବ ବୋଲି କହିଛନ୍ତି ଥାନା ଅଧିକାରୀ ଅରୁଣ କୁମାର ପଣ୍ଡା ।
