ପୁଣି ଏୟାର ଇଣ୍ଡିଆର ୨ଟି ବିମାନ ବାତିଲ୍
ନୂଆଦିଲ୍ଲୀ : ପୁଣି ଏୟାର ଇଣ୍ଡିଆର ୨ଟି ବିମାନ ବାତିଲ୍ କରାଯାଇଛି । ଦିଲ୍ଲୀରୁ ପ୍ୟାରିସ୍ ଯିବାକୁ ଥିବା ବିମାନ ରଦ୍ଦ ହୋଇଥିବା ବେଳେ ପ୍ୟାରିସ୍ରୁ ଦିଲ୍ଲୀ ଆସିବାକୁ ଥିବା ବିମାନ ମଧ୍ୟ ରଦ୍ଦ ହୋଇଛି । ଏଆଇ-୧୪୩ ଓ ଏଆଇ-୧୪୨ ବିମାନ ବାତିଲ ହୋଇଛି । ଉଭୟ ବିମାନ ଯାନ୍ତ୍ରିକ ତ୍ରୁଟି କାରଣରୁ ରଦ୍ଦ ହୋଇଥିବା ସୂଚନା ମିଳିଛି । ସୂଚନାନୁଯାୟୀ, ଅହମ୍ମଦାବାଦ ବିମାନ ଦୁର୍ଘଟଣା ପରେ, ଆଉ ଦୁଇଟି ଏୟାର ଇଣ୍ଡିଆ ବିମାନ ବାତିଲ କରାଯାଇଥିଲା। ଏହି ବିମାନଗୁଡ଼ିକ ଦିଲ୍ଲୀରୁ ପ୍ୟାରିସ ଯାଉଥିବା ବେଳେ ହଠାତ୍ ବିମାନଗୁଡ଼ିକ ବାତିଲ କରାଯାଇଥିଲା। ଏୟାର ଇଣ୍ଡିଆର ଜଣେ ମୁଖପାତ୍ର କହିଛନ୍ତି , ଜୁନ୍ ୧୭ ତାରିଖରେ ଦିଲ୍ଲୀରୁ ପ୍ୟାରିସ ଯାଉଥିବା ବିମାନ ଏଆଇ-୧୪୩ ବାତିଲ କରାଯାଇଛି। ବାଧ୍ୟତାମୂଳକ ପୂର୍ବ-ଉଡ଼ାଣ ଯାଞ୍ଚରେ ଏକ ସମସ୍ୟା ଚିହ୍ନଟ ହୋଇଛି, ଯାହାକୁ ବର୍ତ୍ତମାନ ସଂଶୋଧନ କରାଯାଉଛି।
